• २०७७ कार्तिक ६ गते बिहिवार

भारतीय मुलकी महिला बनिन् अमेरिकी उपराष्ट्रपतिको उम्मेदवार

डेमोक्रेटिक पार्टीको तर्फबाट राष्ट्रपतिको उम्मेदवार रहेका जो वाइडेनले उपराष्ट्रपति पदमा सिनेटर कमला देवी ह्यारिसलाई उठाउने भएका छन्। कमला देवी अफ्रिकी–अमेरिकी नागरिक हुन्।

अमेरिकाको राजनीतिमा यो पहिलो घटना हो, कुनैपनि पार्टीले उपराष्ट्रपति पदमा अश्वेत उम्मेदवारलाई उठाउन लागेको। गत महिना अफ्रिकी–अमेरिकी नागरिक जर्ज फ्लोइडको प्रहरीद्धारा घाँटी थिचेर हत्या गरिएपछि उर्लेको विशाल आन्दोलनका बीच वाइडेनलाई कालाजातिका महिलालाई उपराष्ट्रपति तोक्नुपर्ने दबाव थियो।

जर्ज फ्लोइडको घटनापछि कमला देवीको चर्चा चुलिएर गएको थियो। उनी गत डिसेम्बरमा डेमोक्रेटिक पार्टीबाट राष्ट्रपतिको उम्मेदवार बनेकी थिइन। तर, चुनाव खर्च धान्न नसक्ने भएपछि ५५ वर्षीय कमला देवीले आफ्नो नाम फिर्ता लिएकी थिइन।

उनी हिन्दु आमा र क्रिश्चियन बाबुकी सन्तान हुन्। उनी मन्दिर र चर्च दुबै धार्मिक स्थानमा जान्छिन्।

कमला देवीमा प्रशासनिक क्षमता र दक्षता दुवै भएको मानिन्छ। उनले क्यालिफोर्नियाको महान्यायाधीवत्ताको भूमिकामा काम गरिसकेकी छिन्। उनी कानुनकी ज्ञाता पनि हुन्।

प्रतिक्रिया दिनुहोस