• २०७७ कार्तिक ६ गते बिहिवार

भारतीय विदेशमन्त्रीको अभिव्यक्तिप्रति नेपाली कांग्रेसको आपत्ति

भारतीय विदेशमन्त्री एस जयशंकरको “गौतम बुद्ध भारतीय हुन्” भन्ने अभिव्यक्तिप्रति प्रमुख विपक्षी नेपाली कांग्रेसले कडा आपत्ति जनाएको छ।

“भगवान बुद्ध नेपालमा जन्मिएका हुन्। त्यो भूभाग आजको नेपालमा रहेको पौराणिक र प्रमाणित तथ्यविरुद्ध भारतीय विदेशमन्त्रीको अभिव्यक्तिप्रति हाम्रो गम्भीर आपत्ति छ”-कांग्रेस प्रबक्ता विश्वप्रकाश शर्माले ट्विट गर्दै भनेका छन्।

उनले भनेका छन्, “बुद्ध नेपालमा जन्मेका हुन् भनेर संसारमा कहींबाट दर्ता प्रमाण हामीले मागेका छैनौं। भारतीय भूमिबाट विगतमा आएका टिप्पणी पनि नेपाल बुद्ध भूमि हो भनेर स्वयं भारतीय प्रधानमन्त्री नरेन्द्र मोदीले हाम्रो संसदमा बोलेपछि खारेज भइसकेको छ। फेरि पनि आपत्तिजनक टिप्पणी अत्यन्तै दु:खद छ।”

२०७२ सालमा नेपालमा नाकाबन्दी लगाउँदा विदेश सचिव रहेका जयशंकरले शनिबार आयोजित एक भर्चुअल सम्मेलनमा गौतम बुद्धबारे विवादित अभिव्यक्ति दिएका थिए ।

प्रतिक्रिया दिनुहोस