• २०७७ कार्तिक ६ गते बिहिवार

रायमाझीको प्रधानमन्त्री ओलीलाई दह्रो साथ, भन्छन्- राजीनामा दिन हुँदैन!

नेपाल कम्युनिष्ट पार्टी (नेकपा)का नेता टोपबहादुर रायमाझीले सहमतिविना प्रधानमन्त्री केपी शर्मा ओलीले राजीनामा दिन नहुने बताएका छन्।

प्रेस संगठन नेपालले शुक्रबार सदरमुकाम सन्धिखर्कमा गरेको पत्रकार सम्मेलनमा उनले आलोपालो प्रधानमन्त्री बन्ने पार्टी एकताताकाको सहमति भए पनि पछिल्लो सहमति अनुसारै अगाडि बढ्नुपर्ने बताए।

पार्टी स्थायी कमिटी सदस्य रायमाझीले काम कुरो एकातिर कुम्लो बोकी ठिमीतिर भने जस्तै सीमा विवाद र कोरोना महामारी नियन्त्रण गर्नुपर्नेमा नेताहरु पदीय भुमरीमा फसेकामा दुःख व्यक्त गरे।

पूर्वउपप्रधानमन्त्री रायमाझीले पाटी फुट्दा कस्तो हालत हुन्छ भन्ने हेर्न सिपी मैनाली, मोहन वैद्य र बाबुराम भट्टराईलाई हेरे मात्र पुग्ने बताए। उनले भने, ‘व्यक्ति नभई पार्टी र संगठन ठूलो र शक्तिशाली हुनुपर्छ।’

सहमतिविना प्रधानमन्त्रीले राजीनामा दिन हुँदैन : नेता रायमाझी

प्रतिक्रिया दिनुहोस