• २०७७ कार्तिक ६ गते बिहिवार

किन जिस्काउँछ जिन्दगीलाई प्रेम र धोकाले !

भविष्य वर्तमानबाट कोसौँ दूर भयो
सिरानीका सपना टुटेर चकनाचूर भयो

कसलाई थाहा थियो! यात्राले साथ छोड्छ भन्ने
कठै! अन्योलमा परेको यात्री मजबूर भयो

किन जिस्काउँछ जिन्दगीलाई प्रेम र धोकाले
बत्तीमा हाम्फाल्ने पुतली कै ठूलो कसूर भयो

डर लाग्न थाल्यो प्रिय! रहरहरु कोर्न पनि
दबिएको भाग्य रेखा! फुट्न नसक्ने अङ्कुर भयो।।

– गजल

प्रतिक्रिया दिनुहोस