• २०७७ कार्तिक ४ गते मङ्गलवार

बाबा रामदेव तनाबमाः कोरोना औषधि प्रचार बन्द गर्न सरकारको निर्देशन

भारतको आयुष मन्त्रालयले योगा गुरु रामदेवको कम्पनी पतन्जलिलाई कोरोनाको औषधि पत्ता लगाएको भन्ने प्रचारप्रसार बन्द गर्न निर्देशन दिएको छ।

स्वास्थ्य मामिला हेर्ने सो मन्त्रालयले बुधबार रामदेवको पतन्जलि आयुर्वेद लिमिटेडलाई पत्र लेखि त्यसबारे बिस्तृत छानविन नभएसम्म सो प्रचार बन्द गर्न भनेको हो।

‘पतन्जलि आयुर्वेद लिमिटेडलाई उसले पत्ता लगाएको भनेको औषधि कसरी बनेको, उसले गरेको अनुसन्धान स्थल, अस्पताल, बिधि, स्याम्पल साइज, संस्थागत इथिकल कमिटि स्वीकृति लगायत उपलब्ध गराउन र औषधि पत्ता लगाएको दाबी गरी गरिने प्रचार बन्द गर्न भनिएको छ,’ सो मन्त्रालयले जारी गरेको विज्ञप्तिलाई उद्धृत गर्दै हिन्दूस्तान टाइम्सले समाचार लेखेको छ।

प्रतिक्रिया दिनुहोस