• २०७७ कार्तिक ६ गते बिहिवार

केपी ओली, भिमसेन थापापछि राष्ट्रबादी नेताको रुपमा स्थापित

एउटा ऐतिहासिक काम भएको छ, प्रधानमन्त्री केपी बाहेक अरु कसैबाट यो सम्भव थिएन, उहाँ बधाईको मूख्य पात्र हुनुहुन्छ। हामी सबै नेपालीलाई बधाई।

राजनीति जोगाउन खोज्नेहरु र देश जोगाउन चाहनेहरुको एकीकृत प्रयासमा संसदबाट नयाँ नक्सा अनुमोदन भएकोले अब त्यसैगरी जमिनको स्वामित्व पनि तत्काल कायम गर्ने सफलता मिलोस, कालापानीबाट भारतीय सेना फिर्ता गराउने तागत प्राप्त होस, शुभकामना छ।

भारतले नेपालको कम्युनिस्ट सत्तासङ्ग पङ्गा लिन नखोज्ला भन्ने ठानौ, कम्युनिस्टहरु क्रान्तिकारी हुन्छन र, केही नयाँ काम गर्न सक्छन भनेर नै भारतको पुरानो सत्ताले नेपालमा कम्युनिस्ट मूल्य मान्यता अनुरुपको राजनीतिक परिवर्तन गर्न सहयोग पुर्‍याएको हुनुपर्छ ।

अब कुटनीतिक क्षमता देखाउने पालो कम्युनिस्ट नेताहरूको हो। कुटनीतिक प्रयास असफल भएछ र नसोचिएका समस्या उत्पन्न भएछ भनेपनि केपीको नाम भिमसेन थापा पछिको राष्ट्रबादी नेताको रुपमा स्थापित हुने त छदैछ, उहाँलाई फेरि पनि बधाई । यो प्रकरणमा अमेरिकी प्रयासलाई पनि धन्यवाद भन्नैपर्छ।

प्रतिक्रिया दिनुहोस